تنادي الخيل تع وقف بحدي

تنادي الخيل تع وقف بحدي
نرد الليل بحجارة وتحدي
نهار الشعب شمسه ما تغيب
وشمس الشعب من زندك وزندي

من الإصرار
من إسم الورد
وكرومنا الخضرة
من النجمة إللي ع تلال البلد
تزرع ألف مهره
من الريح إللي ما تهدا
من الجمرة

من الزيتون
من قطرة عرق حره
بنعجن خبزنا ونشعل
شمسنا و نارنا الحمره
ونصنع للصغار إرغيف ها الثورة

بلدنا هذي كلمتها في وجه الموت
لغتنا النار و الثورة سقف لبيوت
نغنيها ونمسح خطوة الغاصب
وهذا الدم هو الصوت

لمين الأرض والمهره ؟
لمين العرس والشارع ؟
لمين الضو؟؟؟
للثورة
لمين إبنك لمين إبني
لمين إحنا

لمين الخيل
تصهل في المدى وتحمي زتونتنا
جمعنا الدم
من أول جرح فينا
وزفينا شهيد الأرض
وحنينا شهيدتنا
وقلنا للصغير إكبر
وأعلنا انتفاضتنا

بلدنا البحر والبيدر
بيوت الطين
بلدنا الرام والرامه وسهل رامين
حصن عكا وشمس الكرمل وحيفا
وغزه إللي ترد الموت بالسكين

بلدنا النور في حنطة ملامحنا وأسامينا
وشمس المجد في كل الأرض إلها
في هذا اليوم إسم واحد

فلسطين
فلسطين
فلسطين
__________________