يا ولاد حارتنا

يا ولاد حارتنا .. يويا
نصبو طارتنا .. يويا
طارتنا تطير .. يويا
طير العصافير .. يويا
تروي الأحزان .. يويا
كان يا مكان .. يويا
يوم سبت سبات .. يويا
إجو الخواجات .. يويا
أخدوا حارتنا .. يويا
كسروا لعبتنا .. يويا
دواليب الدم .. يويا
موت هم وطم .. يويا
رفضنا نهاجر .. يويا
قال الأوامر .. يويا
قال إللي بيقول .. يويا
شده وبتزول .. يويا
ولا شده زالت .. يويا
ولا دنيا دارت .. يويا
صرنا لاجئين .. يويا
بكرت التموين .. يويا
زي طير مهاجر .. يويا
في الدنيا مسافر .. يويا
يعني الموضوع .. يويا
عيسى الياسوع .. يويا
رجعو صلبوه .. يويا
وبرصاص طخوه .. يويا
والأمر الواقع .. يويا
قمع ومواجع .. يويا
ممنوع تشكي .. يويا
وممنوع تحكي .. يويا
طب نسكت ليش .. يويا
لقمة العيش .. يويا
يلعن أبوها .. يويا
علّي جابوها .. يويا
ليش السكوت .. يويا
ما كله موت .. يويا

__________________